اليوم جاني هاجسن صرت ملزوم=وابرسل المرسول للي يهمه
وابين المكتوب فيها من اعــــلوم=واوصله وان صار في راس قمه
ياطاوين نفسك مثل طي مجذوم=ياشارهن شرهه على غير يمه
ياقاطعن وصلك وانا اقول يا قوم=يافازعن فزعة بناخي وعمــــه
ياساهرن ليلك وساهي عن النوم=ياسايلن دمعك مثل سيل رمه
اليوم اباارسلك مراسيل واصوم=ابين المقصود مني و الـــــــمه
اول حياتي كنت عايز ومــعدوم=ابحث عن المخراج وارجع واخمه
الوالد المرحوم عنده على الدوم=وانا ملازمله مثل ذرع كــــمه
الدّين الفاهم مثل كل شغموم=شرب الموارد صافيه من مجمه
والموت مقيولن مقدر ومحتوم=ولكل مخلوقن يجي له يضمه
واكملت دربن كالحن غير معلوم=والدرب لامني مشيته با تمه
والعلم تميته على زين منظوم= اخذ من المطلوب"زبده"واصمه
والمرجله نهجي وتبقى على الدوم=والشين عني عارفن كيف كمه
واليوم جاني موقفن صرت مضيوم= وقعت عليه وقعتن مثل طمه
والحر لاونسله على الكبد مسموم=يشهر ولا شين يسوى يحمه
والا الرداوي فيدها طاير البوم=الليل مطلاعه ولازم يعــــــمه
والحاصل الظاهر مشفرومبهوم=ماهوب لاحقني وراكم مذمه
والفاهم العاقل مميز ومفهوم=والداب معروفن يماري بسمه
امشيمن نفسي عن الهزل محشوم=يومن غيري غارقن في مرمه
واللي يطيح بدربهاالناس مخدوم=الناس تلويبه مثل لي عمه
هذاكلامي واضحن دون لاقوم=والهرج يكفي صامله عن خضمه