الهيـــــــــــــلا *** منتدى قبيلة عتيبة

- ملتقى ومزاين قبيلة عتيبة 1428هـ (http://www.otaibah.net/m/forumdisplay.php?f=84)

- - الأوائل (http://www.otaibah.net/m/showthread.php?t=46830)


	يا ناشدٍ عنا ترانا كما اليم=أمواجنا سوت بالأرض الهوايل عتبان نارد لاضمينا على الدم=نروي ضمانا بالسيوف الصقايل سيوفنا في حدها للعدا سم=وارماحنا تاصل لروس الطوايل سيوف تلمع في دجا الليل لاظلم=كما تلامع ناطقات المخايل أحرار نبني لا نوينا ونهدم=يشهد لسطوتنا حروب وفعايل مرن نمسي خصمنا قبل يحلم=ومرن نذيق الخصم حر القوايل واللي يجينا بالمروات يحشم=تجيه جزله ماتجيه القلايل أهلاً وسهلا مرحبا ُثم .. ول كم=للضيف .. والسكين في نحر حايل من كثر ما قالوا لنا الناس ونعم=صارت لنا الونعم رموز ودلايل وليا اعتزى الملهوف كن العرب صم=إلاّ عتيبة كاسبين الجمايل حنا الأوائل لاحتمى الخطب واخضم=ساعة تشب النار روس الفتايل وحنا لنا ثاني وثالث ومن ثم=ياتي بعدنا مدعين الأوايل الخيل والإبل المزايين بالكم=والكيف قبل الكم والكيف أصايل فيها ركيز عظام والحر الأدهم=واللي ينوخ للحمول الثقابل ربعي هم الهيلا تزاحم وتغنم=لهم بكل ديار ربي نزايل ابمدح العتبان ربعي وباعم=ولا مهونه في جميع القبايل

صح لسانك على هالقصيده
المختصره والشامله المعني
وخير الكلام ماقل ودل
وخير القصيد السهل الممتنع .
تحيتي وتقديري لك

صح لسانك يامهيصر

قصيده رائعه جدا

صح لسانك يالذيب وقصيدة جزلة وبيض اللة وجهك
اخوكـ
ابــن سمــــــران العصيمي

صح لسانك يا كحيلاان وبيض الله وجهك يا مهيصر وقصيده رائعه وتقبل مروري

صح لسانك وبيض الله وجهك على هالجزاله

قصيدة رائعة فعلا
وصح لسانك يا محمد بن مهيصر الخديدي

أشكر كل من علق على قصيدتي واخص بالشكر المشرف غازي البقعاوي مع ملاحظة أنه عندما نسخ القصيدة أضاف حرف الواو في بداية الشطر الثاني غير من معنى البيت للتوضيح أكرر شكري وتقديري

من كثر ما قالوا لنا الناس ونعم = وصارت لنا الونهعم زموز ودلايل

أشكر كل من أطلع وعلق على قصيدتي هذه واتمنى أن سمع نقد أستفيد منه ويستفيد منه القاري فنحن بشر نخظئ والكمال لله سبحانه

الله يعطيك العافيه.