يانايف اللي عطوك وسام للنخبه=حطه على الثوب يالطيب وكشخ به
يالعن ابا الواسطه كم شخص تنفخ به=واليوم موعد وبكره موعد ثاني

نايف الروقي اقبل للرجال الرجال= ودي انتف لحيــّـتك وشناباتها
لاتحسب الحقيقه مثل برق الخيال = ماتفكك عتيبه في حماياتها

انت منته بقدي مار قرب تعال=كان عندك سوالف غيرها هاتها
تعرف انا نضد القوم في كل حال=ماعلينا من الدنيا وصكاتاها

ماوصلت القمر ولا صدمت الجبال=العرب عنك يامبعد مسافاتها
مايطيح الشماغ اللي عليه العقال=مار كلمتك عندي طلع اثباتها

ناخذ الي نريده من قديم الليال=كل قومن تعرف الناس عاداتها
مايشيل الحمول الاظهور الجمال=والعلوم الثمينه جات حزاتها

انتهى كل فايت والزمن للزوال = وش جديدك من الدنيا وطولاتها
كل قوم لها تاريخ مابه مجال = واخر الوقت ناس ٍ طالت اصواتها

انت لاتعترض في الدرب يابن الحلال=والعرب ماتبا تحملك شرهاتها
لاتسوي سوات معقدين الحبال=لاتجي بين مادحها وشماتها

انت تجمع فلوسك من حرام وحلال = كم شواعير شفتك تسرق ابياتها
ماهو بمنك مستغرب ولابه جدال = الحراميـــــّــه تفاخر بسرقاتها

وش تبا بالظليمه مابها راس مال=واثر بعض العرب ياقشر نياتها
الحيل عند راع الكذب والاحتيال=ماتفيدك هناديبك وحيلاتها