انا لي مدّه انشد عنك وادوّرك يا سلطان=ليا قابلت واحد قال ما ندري عن الحافي
منوّل يشتري ويبيع واظنّه طلع خسران=نهاية سوق الاسهم تذبح الرجال يا كافي

وصلتك يابن ثعلي ليه تنشد عني العربان = تعرف البيت يارجال بابه فج اللافي
نبيع ونشتري ونصد لا رخت بها الاثمان = نخليها عساها للفنى وملافح السافي

انا يوم انّي انشد عنك ماني يا ولد غلطان=اباك تعيش وتروح وتجي طيب ومتعافي
ترى سوق الغلا غالي ومن لا يوفي الديّان=ترى يا صاحبي سلطان ما ينقال له وافي

الك نيه ولي نيه ويعدل بيننا الميزان = ليا دارة رحاها نعرف المكشوف والخافي
كنوز الارض تبغا حفر والميدان ياحميدان = اباك تكون في جنبي لاتاقف بالله خلافي