من صغري اعرف قضاة الناس مضرب مثل = واليوم ما ودي اسلّم على اشكالها
الفالح القاضي اللي لو قضى ما عدل= جاته قضيه وجاب العيد باقفالها

وش دخّلك وانت فالموضوع مالك دخل=امقرّد الناس فال الله ولا فالها
اتقولها وانت ما تدري عن اللي حصل=خلّك بحالك وخل الناس في حالها

الاد ثعلي قضاه ولا تحب الوحل=لكن ما ادري وش اللي صار فعيالها
لاتحسب انك بهذي صرت معهم بطل=انته تطيع امرها وتنفذ اقوالها

العلم يا صاحبي نورٍ يزيل الجهل=مال العقد يالعتيبي غير حلالها
ان كان تبغى الصحيح انته تبالك شغل=الناس ما تنتجازى غير باعمالها

ياكثر ما نسمع اليومه من اهل الدجل=بعض العقد فتلها ماكاد فتالها
بعض الحقايق سوات الحمل فوق الجمل=حمله صعيبه وغصبٍ عنه يشتالها