قال العصيمي رد زين المثايل == ولايمشي الافالدروب الدلايل
يالـله يامطــلــوب يابـالـجمـايل == ياجــيد ماخاب منهـو تـرجـاه
نرجيه في أيـام الرخا والعساير== يامطلع فــي ماتـكن الضـمايـر
يامخرج المـا مـن سحاب نداير == رزق البنــادم دام هو حي يلقاه
رزق البنادم في حـياتــه يباريـه == وليا وفا عمـــره تـولاه والـيـــه
ومدبـره ربــي وحـضه مـلاقيـه == اما ملاقــا طـــيـب والامشـانــاه
أحـمـدك يامـن حـط فيـه الفـكاير == حط العيون وحط فيها بصايــر
وحط اليدين مع الظهر والزباير == وضلوع في جوفه طوال محناه
ونحـايـل الدنيـــا علـى كل حـال ِ== ونمشي لها سوات مشي المحال ِ
وليا وردنا الهمــج والا الزلالــي == نشرب منه لو كان ماينشرب ماه
نصبر تحت مكتوب رب السماوات == الحــي منـا والذي قبلنا مــات
ونرجيه في أيام القسى والرجاعات == وليا رضي حالٍ علينا رضيناه
نصبر تحت مكتوب ربي ليا سار == ولانـذكــر الدنيـا ليـا شبت النـار
عزي لمن لاهو في الامات صبار == الصـبرطيـب والوفــا فيـه نلقاه
ياراكـبٍ من فـوق زيــن الادايب == حر ٍ عريب الساس ماهو بخايب
فج العضود عن النحـر والترايب == أبو حدق عين كما الجمـر حليـاه
حزنبرٍ كــن الذهــب في وصوفـه == سلك العضود مدرجـات خفوفـه
زين الحصـاير طـامـنــاتٍ ردوفه == لولا اللـواحـي ماثنى سار علباه
فوقه صبـــي ٍ يـوم يركــب شداده == مافوقــه ألا قــربتــه عـدل زاده
ياصل ليــا من حيث يبغــى مراده == وليا سرح بالصبح مابعد ممسّاه
ملفـاك شيـــخ ٍ يوم تلفـــي حلالــه == شــب الـمـنـارة ثــم دنــّا دلاله
هاثـــم قـفـاها الصحـن مــع خياله == عســـى مقاديــر الليالــي تعداه
هــو شيخـنـا حامي عقاب الونيات ==يوم الجموع الغثم تثنــي بردات
ياخذ على اهل الخيل بالسيف موجات ==يانعم ياللي تكسب المدح يمناه
نعـميــن الايـاشيـخـنـا يالدليلـــــي == طلمــس ولـد عبدالله بـن العقيلي
لطم الاعادي فوق هجن ٍ وخيلــي == كم من حريب شـال حملـه وخلاه
واختص محسن كريــم السبال ِ== اللــي على راسه سوات الجبال ِ
أهل الرمك والجيش واهل السلال ِ== والاد مفلـــح فعلهـــم كلن اوحاه
واختص لــي شيــخ الشيابين هذال == يانعــم ياشيــخ ٍتعدد لــه أفعال
فــــي ذر قــوم ٍ فعلهــم يفرح البال == الاد شيبون الـفـهـود المــغــذاه
قـــــول الحميــة يـارجالٍ غــديتـوا == رحتوا لنجد وفي الديار انتحيتوا
وانتم عن اللي زد حصل مادريتوا == يوم الـ (000) طامع الما ومفلاه
يبــا يـجـليـنا عـلاكــــم مـحـيليــن == وهمه بعدنا في المواثر مقيمين
(000) و (000) و (000) == يبــا ديـرنـا ملـك والـملـك لـلـه
إن كان جيتوا عقب جاكـــم خبرنا == أنتـــم هل الطالة على ماذكرنا
وان كان ماجـيتـوا حمـانـا ديرنا == والحـق من علط السلايل عطاناه
يامـا ثنـانا دونهـا مـــــن عمـادي == يـقعـد لحَوز نسورهـا والحنادي
بدهم الفرنج اللي لها الملح زادي == حسه كما حس الرعد في نشاياه
حنا الجبال المرسية فـــي الديارا == يوم التقانا واشهب الملــح ثارا
يوم أشهب البارود بين السكارى == ياكم حريب ٍ ذبحنا فــي شفاياه
علـــى شيوخ ٍ رايهـــم بالتمـام ِ == وهف وضيف الله والاد القثامي
وان رزوا البارق كما البحر طامي == لاينغرف جمه ولاينحدي ماه
علــــــى شيخــاننــا ناطحينـك == والادحلحل فــي اليمن مقتفينك
نبـا نهـار ٍ فيـــه قضّـــة متينــك == كمـا نهـار ٍ فــي المعادن سمعناه
وشيوخنا اللي من قديم ٍ خبرهم == عوض وعايض في نواحي ديرهم
هم درعنا الضافي وندرا ضررهم == وليا اعترض حبل المعادي قطعناه
واهل نخب واهل المعادن وبقران == من روس الاد ثبيت ذربين الايمان
واقصاهم اللي في لغب زين الاركان == لطم الحريب اللي مناضر قراياه
والله لن صيحت بالحس بالحيل == مايرفع ابن سعود وماطمن السيــل
وماكفه الطايـف وماكفـوا هذيـــل == بــرقا حميــة يامضيـــع حمايــاه
والله ما انت بضدنا يا الـ (000) == لـو كان صياحـك علينا يصيحــــي
حنا رجال الحرب يالمستريحي == وأنــا نذيــرك شـــرنــا لاتمنـــاه
والله لــوصيحت فــــــي ذرقاسم == ماينقل البندق من ألاد عاصــــم
ليرملــن منقشـــات المحــــازم == والمال نقفـــي به وعينك تحلاه
واختم كلامي بالنبــي والصحابة == وعداد مــاهلت مزون السحابــة
وعداد مانبت الحيا فــي الشعابة == وعداد ماجاد الثمــر فــي وداياه