يامرحبا ترحيب مثل النور جلاي الظلام =والليل توه والسوالف هاتها يالمرشدي
انته وانا في منتدى الهيلا رفيعين المقام=ذباحه الحايل وقومن يلطمون المعتدي

الله يبارك فيك وش لونك عسى اوضاعك تمام=قلي وش اللي تطلبه ياجعل يفداك الردي
في منتدى الهيلا واقدم له تحيه واحترام=اقف على شان الوفاء والطيب وارفع له يدي

انا بخير وعافيه ياصاحبي في كل عام=ياجعل حضك من صواديف الزمن مايرتدي
المحترم ياصاحبي يلقا جميع الاحترام=وانا سبقتك للامور الكايده وانت ابعدي

استلم

الله يديم العافيه والامن ويديم السلام=واللي يثير البلبله ياعنك ماهوب اجودي
الحمد لله عارفن ويش الحلال من الحرام=بس انت كنك يالعتيبي في طريقك تحتدي

قدام لايلعب بك الشيطان ملعون الرسام=تبدي كلامن ياوسيع المعرفه ما ينبدي
ترى الرجال اتقول كثر الطق فكاك اللحام=والظاهر انك مانت ياناصر بعارف مقصدي

استلم

هاك الكلام اللي مثل ماقيل علاه الكلام=انا ليا مني بذلت الجهد ماضاع جهدي
وانته تبي تقتادها لكن مافيها خطام=ليتك تلد العين يم سهيل والا فالجدي

يالي بنيت البيت ماله ساس يبشر بالهدام=ون كان ناصر ماهداه الله ماهو مهتدي
نبا نطير لك عرامك كان في خشمك عرام=من خلقتي ياصاحبي مافيه واحد سيدي