يامرحبا ياالشاعر اللي غايبن وقتن طويل=والحض جابك والمواقف عزها برجالها
ياصاحبي قرب شرار الزند من خشم الفتيل=النار من شبابها والخيل من خيالها

دام البقا باللي يرحب كل يوم وكل لليل=والحض طيب والحمول الها جمل يشتالها
يا صاحبي نايف ترا الدنياء ما فيها مستحيل=والناس تجزاء يا عميل الخير حسب اعمالها

اشوف بعض الناس يبغا له من الدنيا حصيل=والدله الصفرا تراني شاربن فنجالها
اسمع كلامي وافهمه وانت الاصيل ابن الاصيل=ام الكباير كلنا نعرف حصيل عيالها

واشوف بعض الناس اخذ قسمه من الوزن الثقيل=واللي مسكها فاول الدنياء رجع يبرالها
ترا الدليله يا طويل العمر ما يبغا دليل=وام الكباير بعض خلق الله نزل منزالها

انا تراني ماغدا لي لاكثير ولاقليل=والاوله من حضنا وانت العلوم اصحا لها
البرق يبرق يمكم والسيل عيا لايسيل=والكلمه اللي مالها مقصود محدن قالها

اجل وراك اتعبت نفسك لامبيت ولا مقيل=وشغلت خلق الله تطالبها بروس اموالها
اليا برق من يمنا تاتتعب تحط وتشيل=لكن فكر في كلامك والعلوم افطن لها

اناادري انك في اللزوم اللازمه مانتب بخيل =لاكن لن كبرت ونشبت جالها حلالها
ترىالسوالف باقيه والناس جيلن بعد جيل=من سابق الدنيا ترى العربان هذا حالها