شعار عتيبة اقبلوا مني هالبيتين

بعد ماجيتكم ياعتيبة الهيلا سلام اسلام = اخصه للرجال اللي توقف في مواقفها
وانا والله عتيبة قدرهم عندي بدون ارقام = ولكن شفت لي حاجة تصدق قول شايفها

نيابه عن هل الطاله يرده هاجسً مقدام = هلا بك يامسلم والذيابه في مشارفها
عتيبه رقمها الاول ولافارس بها ينضام = تهرج مار خل الدرب الايسر لاتخالفها

انا حظي من العتبان رجال ٍ يسمى كعام = ياعلك للبقا ياكعام ثقلها وخففها
توقعتك تقول العلم هذا مار ماتنلام = ربوعك تحسب ان الخلق في قبضة تصرفها

الا ياكثر مايرما قدم صاحبك كم حزام = خيولً جيت اسابقها ومراتً نشعفها
اخذناها بعلط الرمح .. ثم عقلت علاها خطام = وانا مدري عن العالم تشيل الغبن بجففها

الا ياكثر ماتخسر وربحك طهبلة واعلام = لقيتك لابس ٍ لك بدلة ٍ مانته مقيفها
هل النوماس نعرفهم مع العالم بشرق وشام = وبعض الناس بس الطيبه عنده يوقفها

يدل النقص .. فسمك وانت والله للصقور يدام = الا ياعين ولات(س) الرمد والسم مقرفها
هل النوماس والطاله يرونك اقزم الاقزام = على هونك على روحك ترى نزعل ونقصفها

عليك النقد باسمك ياعميل ٍ عايش ٍ باحلام = اثر نفسك من ادنى دون بانت لي سوالفها
ضحكت من الكلام اللي تقوله والحشام حشام = ولكن قالوا الشرهه على من كان عارفها

انا اسمي اسم لمسمى كعامً لك يابو عزام :) = ولانعطيك لصاجه رويس الظبي عايفها
وحمد الله مع شكره وهو الخالق الدوام = اثر بعض العرب في جعبته حاجات ينصفها