ياللي تبي ترتاح في عطلة الصيف=عقب التعب ومن الصخب والكلايف
عليك باللي موقعه فــــي مشاريـف=عـــــن المـدن تلقـاه بالحيـل نايـف
الّله خصـه بالمـــــــزون المراديـف=تضحـــك مقادمها تبـارى صفايـف
هواه عـذب وزَود الجـــــو تلطيـف=همـــال مزن ٍ كــــل يـوم ٍذرايــــف
جوه طبيعي ماتبـي فيـــه تكييـف=بين الغصـون اليانعـات الهــدايـف
فيه الطبيعه يامصيف على الكيـف=أقبل نصيحــة وأحـد ٍ فيـك رايـف
مافيـه داعـي للسفـر والتكاليـف= ولازم على الراتب تدور سلايـف
لاتفوتك الفرصه بغفلـه وتسويـف=وترجع بعد يومين خاسر وعايـف
لاتضيع الفرصات ياحيف ياحيـف=عليك بالطائف عروس المصائـف
عندي هواها فاق باريس وجنيـف=وجاوه وهنكوفـر عساهـا ذلايـف
والديره اللي بس رقص وغطاريف=زوارهـــــا علـى قعيـده وحايـف
شط النهر عندي عجاج وعواصيف=لوكـان تجمـع للقلـوب الولايـف
في عيني الطائف فَرَق بالتواصيف=ثابت غلاها بين حـدب ٍنحايـف
مدينـة ٍ سكانهـا تقـري الضيـف=عهدا ً قديـم وحافظتـه السلايـف
وقريب للي خصـه الله بتشريـف=بيت ٍ عتيـق ويقصدونـه طوايـف
مصيف وعبـادة وجـوه هفاهيـف=من ضيع الفرصه جداه الحسايـف
وكل المدن في المملكه صيفها صيف=أمـن وأمــــان ولاتحـس بحفايـف
وسط البلـد ولا تمشيـت بالريـف=مانتب على عرضك ولالمال خايف
في ظل مروية السيوف المراهيـف=حكامنا اللي فالمواقـف حصايـف
أشبال من يشهدله الرمح والسيـف=يوم السنيـن القاسيـات العجايـف
جمع شتات وحارب الظلم والزيـف=حتى وصلنا مثـل مانتـه بشايـف
ياللي تبي ترتاح في عطلةالصيف=عليك بالطائف عروس المصائـف