بدر الدجا يالضيط ياعز ناصيك=روق القبيله كلها تفتخربك
يابدر بن نايف عسى الله يخليك=ذخراً لربعك فالنهار المشربك
المجد من راسك ليا اقدام رجليك=وناصيك يابدر الدجا يفتخربك
انت الامير الي بعيده مراميك= والطيب يافخر الوطن يشتهربك
شيخً ولد شيخً حميده مساعيك=منصى شيوخً فالقا تنتصربك
تاريخ جدانك بالامجاد ينبيك=والا انت عز اللي لفاك وشهربك
يابدر لو يوجد شبيهً يحاليك =انت الذي يتعب مقامك ودربك
لو امدحك يالضيط والله ماوفيك=لاشك شعري لو قصر ماقصربك
الشعر يفرحبك ليا حل طاريك=ولا جاك يمشي يابدر يفتخربك