الطيب كايد مار ياهونه على الحر الابي = يومن بعض الناس يقبسها وناره طافيه
اللحيه اللي ماتقدرني وانا امس اشنبي = وقت الله الله ياربع تسفي عليه السافيه

الطيب طبعي وارثه من عهد جداني وابي=
يومن بعض الناس حاقد من علومٍ خافيـه=
تحشم لحا بعض الرجال وبعضها لا وتهبي=
من بعد ماشربت زلال تقول ماهي صافيه=

الليل حملك ياجمل والله لتبرك وتحبي = ياعيب ياشعرً يحكمه غير وزن وقافيه
مابين ضلعان الحجاز اليا الخليج اليعربي = واحد ويهرج بالفعول ودوم رجله حافيه

الليل ليلك ياجمل ماواجهك غير الظبي=
ضاع الضبي مابين نفي الا ولا النافيه=
ياحجاز ضلعانك تربا في هواها اطهر نبي=
ولا انت يابحر الخليج اكبر محل للمافيه=

البارحه طاح الجمل ونحط بكموم العبي = يومك تسرحها بدون حوار للمشرافيه
الفرق واضح للذكي والا الغبي يبقى غبي = والحر تكفيه الاشاره والاشاره كافيه

البارحه سقنا العرب حتى سبيناهم سبي=
ورجَالهم من زود خوفه ملتحف بالحافيه=
الفرق واضح للشيوخ اللي يقهويها صبي=
تشرب فناجيل المصايب بالسيوف الشافيه=