يا سلامي عليكم بعد طول الغياب=من هجوسٍ يسر البال تعبيرها
بعد ما غبت كيف اخباركم يا شباب=والعلوم الثمينه ما نبا غيرها

استلم

مرحبا يالمسلم عد وبل السحاب=بعد ماودعت نفسك مشاويرها
نحمد الله نلبس من جديد الثياب=مايتعب يدينا غير ازاريرها

البقا بك وطاب القاف والليل طاب=مار دنياك لا تامن مقاديرها
بعد ابو زيد غاب وغاب عنكم ذياب=اليدين البخيله لا كثر خيرها

استلم

طاب ليلي وليلك ياعزيز الجناب=في ميامينها والا مياسيرها
لو نحط النقط على حروف الكتاب=كل لحيه نقدرها بتقديرها

كان ما انته بذيب اشهب كلتك الذياب=معظم الخلق مدري كيف تفكيرها
اكثر الناس ما نحسب عليهم حساب=كل سلعه نسعرها بتسعيرها

كم وطيت بقدم رجلي حيه وداب=والشياطين لاتنفخ مزاميرها
كان بينك وبين الشوف حال الضباب=اترك الضاميه تارد على بيرها