منقول.....
 

ــــــــــــــــــــــــــــــــــ
اختلافي واتفاقي
ــــــــــــــــــــــــــــــــــ




جالس بنفس المكـان وتايـه بنفـس الطريقـة
هارب من الكل راجـع لاختلافـي واتفاقـي
الوسط هذا وهم.. هذا الوسط ما هـو حقيقـة
صعب يضحكني ويبكيني ويحلم فـي عناقـي
شف عيوني ذابلة.. لا ورد فيهـا.. لا حديقـة
الحكاية ما هـي حكايـة فـراق ولا تلاقـي
ما تعودت اسجن الأشياء وهي حـرة طليقـة
ما قدرت اقول واضح وانا احس غموض باقي
ضاع وقتي .. وآه كم خنت الدقيقة في الدقيقة
ابدوي شوك المدينة ما عـرف قيمـة نياقـي
ليه اهونها وتهون .. وليه اطيق اللي مـاطيقه
احترقت ولا استفدت من البرود الا احتراقـي
وده المجروح ينسـى لكـن جروحـه تعيقـه
مثـل مـا ودي ولا ودي افـكـك ياوثـاقـي
ياحبيبي هو ترك جفني دمـوع تبـل ريقـه؟!
قل لساقي عن خطايه .. عن خُطايه قل لساقي
سرت احس بوحدتي واخاف يوم اسمع موسيقه
بيني وبيني يعيش انسان خـارج عـن سياقـي
ما انت لي بالحلم /بالواقع/ بكلمة في حريقـه
لو يلاقي ما يحاول .. لو يحاول مـا يلاقـي
مضطرب لكن مـهو حب وطرب مليون ضيقة
اهرب من الكل وارجع لاختلافـي واتفاقـي .