يامنزل الفرقان وكتاب الانجيـــل= جودك ولاجود الرجال ومددهــا
مدك ولا مدت كريم الرياجيــــل =يمدوم النعمه على من حمدهــا
خمسين ليله دوبحت من ورىسهيل= والعقـربيه قام يرزم رعدهـــا
مقدم بكور الوسم سوداً هماليــل= يجرح طمان القاع مجرى بردهــا
تحدر الوسمي وشفت المخاييـــل= وزان الطرب والنفس قفا نكدهــا
وجات العسوس عن المطر بالتفاصيل =علوم صدقاً ما ندور بعدهـــــا
قلنا وش انذوره وقالوا لنا سيــــل =سيلاً يقض احزومها في جلدهــا
من نجد وأشمل كل واداً كما النيــل =الاوديه قام يتطافح زبدهـــــا
خمسةعشر ليله خذ العد تكميــل= خمسة عشر ليلاً صدوقه سمدهـا
ومن فرحتيبه قمت اجر المواويــل= وقول يالله من فضايلك زدهـــا
يسعود شف لشغالك اليوم تبديــل= اترك مواعيد البلد في بلدهــــا
اركب ونادمني على اسطورت الجيل= اللي عنه نخشى العيون وحسدهـا
ارقاه باسم الله خوف البواتيــــل= وخوف الذي حجان عينه عقدهــا
خطوى ابيضاً ماعد فالمشي لوميل= وبوليزته يدوبها في مهدهـــــا
فكسار ما هازه قليل المحاصيــل= عبداللطيف وكالتــه مفتردهـــا
حنت اسيوره لاسرى تالي الليــل= عويل وضحاً فاختت عن ولدهـــا
نبغى عليه انبدل الجو تبديــــل =وارض غشاه النو فيه نعمدهـــا
ارضاً معالمها فياض وغراميــل= ممشاً بها لنفس يجلي صددهـــا
لمسيت قفراً ماتجيه الازويــــل =كني ملكت افلوس محصي عددهـا
لوكان فيه اتعب وضيع محاصيـل= صار الولع لي بدعتٍ معتـقدهــا
اسلى لياقربتهن المعاميـــــل= الجــال ناراً مايــوني وقدهــا
وعبيتلي رسلان من فاخر الهيـل= ومنها تقـهوانا وجــلي بعدهــا
نقل الحرار الصاملات الفواعيــل= اللي ينــومس من نقلها هددهــا
فروخ ما عدولها عام تنقيــــل =ولادهلوها اهل الجرد في جردهــا
ننزل بها روضٍ تقل زرقت النيـــل= لون العشوب اللي بها الله فردهــا
نلقاء لبرق الريش فيها مداهيــل =واليا لقـــيناهن يجي علماً ادهــا
نظهر لهن طلاع في طلعه مهيـل= ومن تحترك منهن عنهن فردهــا
واليا اعتلت فيها يسوي البهاذيـل= يخفق عليها من سـما ويحردهــا
وان زعقت فيها شبك بالنواجيـل =وصارت وساده عن وطاه اوتسدهــا
منزل اللي تعتلي الجو تنزيـــل= وان كوبرت لوباد ضـف ولبدهــا
هذا هوا بالي عن القال والقيــل= وعن العــلوم الطايلات ورددهــا
عن هرجتاً تاتي على غير تحليل= من واحدٍ عوج السوالف رصدهــا
يربـخ على العوجى قليل المداخيل= وعــدودها يروابــها لاوردهــا
شبه مهو شبي ولاشب الحلاحيل= شب الضعوف اللي هزيلاً جهدهــا
وانا نقيت الهرج خوف الرياجيـل =هل المــــعرفه قالتي تنتقدهــا