ان ثارت الهيجاء بكل الميادين=في كل ميدانٍ ترانا شفاليت
اعتيبه الهيلا كعام المعادين=ذباحة الحيل وخوال لهل البيت
الاد روق مرجحين الموازين=شهادة الاجناب ما هي ثراويت
وبرقا هل البارق سيوف السلاطين=على رقاب القوم جردٍ مصاليت
محدٍ يفرقهم..على العز صفين=امن السراه لفاس حتى ليا هيت
عقال وان كبرت نعود مجانين=من فعلنا الضلعان راحت فتافيت
اهل التقى والدين زبن المساكين=ما مثلهم فالكون لن رحت وان جيت
مدحتهم من كثر شوف البراهين=في مدحهم يا ناس ماظن زليت
ولقول فيه اقصور...يا اهل الميامين=في باقي العربان طيب المنابيت
صلوا على امحمد شفيع الملايين=آخر نبي للانس وايضا العفاريت

المشاركة الأصلية كتبت بواسطة عازمي بمحزمي وحزامي (المشاركة 605660) ما دام تقول هذي شخابيط ياسنــــد:):) عاد كيف لو ما تشخبط تكتب من جـــــــــد ؟؟!! صح لسانــــــــــــــــكـ قصيده رائعه وفالك التوفيــــــــــق عقال وان كبـرت نعـود مجانيـن *** من فعلنا الضلعان راحـت فتافيـت

المشاركة الأصلية كتبت بواسطة معجب العتيبي (المشاركة 606351) مبدع كعادتك ياسند صح لسانك