ربح شاعر سباعي شوفته ليل عيد = لالةالعيد لاله طعمها حاليه
ودنا معك يارجال طرق (ن) جديد = وانت قد المهمه همتك عاليه

مرحبا ياخوي السعد جعلك سعيد=وانت من قوم عز او عندنا غاليه
ابداء باللي تشوفه دام رايك سديد=عبر بث الفضاء بقبال وأرساليه

وأنا مانيب مطنش موضوعك انا كنت مشغول بمجاهد ابن عمك مقعد الدغيلبي

جعل تسلم ويسلم كل رجل(ن) رشيد = واطلب من الولي تصليح الاحواليه
ياجمل ياجمل وش فيك تهبد هبيد = انتبه جبت لك قيدين وعقاليه

لابغيت الحقيقه والكلام الاكيد=عارفاً مكسبي من روس الامواليه
من معاند ربح ماضنتي تستفيد=أحذر انك تطب ابحر الاهواليه

كيف تبغا التجاره وانت مامن رصيد = والجزا ياصلك من جنس الاعماليه
ايه انا آعاندك واقول هل من مزيد = لني اعرف مقامك واعرف افعاليه