يامرحبا والليل ياشعار والمسرى طويل=والسوق غالي من يبا يبتاع فيه ويشتري
انا عميل اهل الوفا لكن وينك يالعميل=ترى الكلام اللي ينومس مايضيق خاطري

دام البقاء يالشاعر اللي ماتجيب الا الجميل = هات العلوم الطيبه وابحر سوات البحتري
جاك العميل الوافي اللي لايعيل ولا يميل = سر الركايب للزوم اللازمه وش تحتري

المشاركة الأصلية كتبت بواسطة أبو نجر النفيعي (المشاركة 399639) .. الله الله ,, نايف وسعود .. محاوره بلا شك ستكون في قمة الابداع .. واصلو ,, وحنا متابعين .. . اخوكم

المشاركة الأصلية كتبت بواسطة سلطان الحافي (المشاركة 399642) الله الله الله نايف سعود واصلو الابداع صحت السنتكم متااااااااابع

الليل توه يالعصيمي وش تحط وش تشيل=انا ادري انك عبقري لكن غيرك عبقري
شفت المخايل خيلت والسيل عيا لايسيل=وآخر زمان الناس صار المتهم مثل البري

لاشلت اشيل الخصم يانايف على حد الصقيل = والفرق بيّن بين طعم الحلو من طعم الشري
اليا برق برق الحياء وليا رعد رعد المخيل = يبا يسيل السيل بامرالله ويكسي من عري