سلام طيب وفا حسب السلوم القدام=من هاجسن يطلب الجزله ويتعبلها
في منتدى الطيب هيلا نبتدي بالسلام=اهل المراجل نشوقلها ونطربلها

يا مرحبا يا سمي العود سر للأمام = ادخل قناة البوادي ثم تنسب لها
مع وافر الشكر والتقدير والاحترام = عني واصاله عن عتيبه نرحب لها

ابك البقا يالمرحب وافين بالتمام=عداد عشب الحيا مسقاه منوبلها
ذا الليل ياسيف شد الحيل ويالحزام=وسرج حصانك معي والخيل نكربلها

من سيف اخذ زبدة الهرجه وزبد الكلام = الناس ما نيب اناديها واطبلها
النار ماهيب ذا الليله ببرد وسلام = يمناك يمناك .. واليسرى ما تكلبها

ياسيف ودي اوصلك لين الغمام=ارقى معي والعرب ما شبلي بشبلها
ياسيف اشوف الجمل واهن ولاقام=قدله ثلاثه معا اثنتين وما فبلها