الليل ياالشعار جاكم هذيلى
 

سلام يا عتابه

الليل يا الشعار جاكم هذيلى

باسه قوى ويهد من فيه حيلى

يغرف من ابحور(ن) مداها طويلى

وهذا الصحيح اليا بغيتوا الصراحه

يبغا يصدركم يمين

هاثم ياخذكم يسار

ضارى على الشى السمين

لأ نه من الناس الكبار

يا مرحبا يا متعبين الشدادي

جمع الهذيلي يا كعام المعادي

انتم من الحظران وألا البوادي؟

وهذا الصحيح إليا بغيتوا الصراحة

يا صاحبي خلك ذهين
واحسب لها كل اعتبار

لا تظهر السر الدفين
والنار مصدرها شرار

صحة السنتكم ,,, واصلوا

الك البقا يابن عصيم العصامى

ان كنت من اهل نجد والا تهامى

ولنا مع البدوان عرف وسهامى

هذا الصحيح اليا بغيتوا الصراحه

ما نعرف الا كل زين

والضيف يلقا شب نار

مير انتبه لا تلد عين

الذيب يدخل كل دار

ربعي عزاتي مخلفين الهقاوي

سيل(ن) على جيش المعادي نحاوي

مار انتبه لا تخلطون العزاوي

وهذا الصحيح إليا بغيتوا الصراحة

الذيب عاوي من سنين
يشكي من أسباب الجوار

وش عوّد الحبة طحين
يا كود من طول الحصار

والنعم بك مافيه شك(ن) وريبه

شعرك رزين وكل مقصد تجيبه

فى منتداكم شفت حاجه غريبه

هذا الصحيح اليا بغيتوا الصراحه


ناس(ن) تقفى المسلمين

فى انساب وعلوم(ن) صغار

وانتم رجالآ غانمين

حاشا يجيكم اى عار

المشكلة ناس(ن) اتخرق القوانين
دايم على الاجواد مثل المعادين
إبليس قايدهم على الدرب غاوين
هذا الصحيح إليا بغيتوا الصراحة

الله يجازي المفسدين
تصلاهم النار الدمار

مار البقا بالصالحين
والعلم واضح بالشعار

المعركه محد(ن) بها صال او جال

والعبقرى يضحك على شينة الفال

يا متعبين القلب ترا سيلكم سال

هذا الصحيح اليا بغيتوا الصراحه


احذر ترا فيها كمين

والضلع له مرقى وغار

واقول عسى ربى يعين

الزند قد ولع وفار