قصيده غزليه للفارس شليويح العطاوي
 

عهدي بهم من عقب مرباع ساحــوق *** غلي وهجري لذتي وذهلانـــي

يامشخصً حطوه في وسط صنـدوق *** عز الله ان اللي يحوشه جناني

لا لون قرطاسً ولا لون غرنــــــــــوق *** سبحان ربً صوره مودمانـــــي

لا هوب من برقا ولا هوب مــــن روق *** ولا هوب من سموا كبار المثاني

والله لولا الخوف وادرى من البـــــوق *** اني لخطفه والحصان جمحاني

والليا نهمت الغوج مانيب ملحــــــوق *** ازبن على العارض ديار قحطاني

واعدي عليهم مع طرف سربة الروق *** وانقض عليهم كل يوم العواني

سلطان روق وافيه من شخص وافي لشاعر سنافي

ومطلوب قصيده لشليويح (ساره الوازعيه)
اذاهي موجوده لديك

دمتم...

يعني كذا ماعليك زود

واشكرك على مرورك العذب ومشاركتك

بالنسبه للقصيده اللي طلبتها هي لبخيت العطاوي اخو شليويح

وليست لشليويح

سالفتها كان بخيت قالط عند قاعد بن جرشان شيخ البقوم وشاف بخيت

ساره حرمت قاعد وطاح الفنجال من يد بخيت قال قاعد شوف عينك حظ

غيرك

وانشد بخيت هذي الابيات


طرد النظر ما فيه عيب عليه
أبااتحلا بنت ماضين الافعال

ياونتي يا ساره الوازعيه
ونة معيد ساقه الفجر عمال

تقفي وتقبل فوق جال الركيه
ومن الصلف خالي ظهرها من الحال

لاشدوا العربان ودوجر حنيه
يبرى لها قاعد بتسعين خيال

وقيل ان ساره اهدت بخيت جوخه واوعدها بحصان ياخذه من قومها

ويهديه لها وفعلاً فعل

الله يعطيك العافية

لاهنت ياسلطان بس كنت اتوقع لشليويح لاني قريتها في كتاب شعر باسم شليويح واستغربت لاني اعر ف اغلب قصايد شليويح وقلت بتاكد
فيبدو مغلوط بالكتاب

فمشكور على الايضاح

الله يعافيك اخوي هاوي نجد1

العفو اخوي يعني كذا

بيض الله وجهك وانا اخوك تسلم يا الذيب