مرحبا بالشاعر اللي قيل صاير له قضية=والقضية خمةٍ للبوك من جيب الحصاني
راح فيه النقد والصراف واثبات الهوية=يالله استر لا يجي في عقل صاحبنا جناني

استلم

ودي اقول البقاء لكن فالخطر شويه=القضيه ماتخص تعمنا يامودماني
باذن ربي مايروح النا كثير ولابليه= لو حصل فرك الخشوم ولو حصل قرص الاذاني

والله اني ما نويت اجرحك والنية مطية=مار اشوفك ياطويل العمر كنك ماتداني
لاتصفح فالعلوم وكن ما صارت بليه=والله انك رايحٍ فيها على قول الفلاني

استلم

انت وش موقعك يوم انك تحولها عليه=لاتمنذل في رفيقك وابك كنك ماتباني
العواصف ماتطير ستر ليلى العامريه=وكل شي غير الله وجه الله يارجال فاني

مرحبا سيف المعاني


ولاهنت يالذيب

ما اختلفنا بالعطية... ابشر بيمناً سخية=مار وش قالوا جنود الشرطة اللي بالمكاني
روح راجع فالبنوك وروح شوف الداخلية=واعلن بكل الجرايد ما بقي لك حل ثاني

المشاركة الأصلية كتبت بواسطة سيــف المعانـي (المشاركة 395624) ياسلااام خخخخخخخخخخخخ التحدي الرجال ما يداني ههههههه اكوي في صفك ولا يهون ناصر متابع لكم يا مبدعين

استلم

لاتوخر لاتقدم فالحروف الابجديه=ماتعودنا على عيش المذله والهواني
الله اكبر يالخوي اللي تخلا عن خويه=انتبه للرجل لايغويك ياسيف المعاني