الهيـــــــــــــلا *** منتدى قبيلة عتيبة

هذه قصيده تعبر عن نفسها

أمس الضحى والقلب ضايق ومكبوت
طرا علييه علم دايم يشاعي
فزيت له فزة هل البحر للحوت
وونيت له ونة كسير الذراعي
الموت ياللي ناسي" طاري الموت
لاتحسب ان الوقت دايم متاعي
الأدمي غافل وله وقت موقوت
وليا وفا مالالتحساف داعي
أعمارنا تسرق مع الوقت وتفوت
وحنا على الغفله نجر المتاعي
ماينفعك سمرات نمه وبيلوت
ولاينفعك شاعر قصد فيك ناعي
ولاينفعك مرجان لولو وياقوت
ولاسوق هذا سام وفلان باعي
والمشكله لاصرت في وسط تابوت
وتظيق بك كل الفجوج الوساعي
وجاك النكير اللي مسمى ومثبوت
علم" صحيح" دون كذب وخداعي
ياحظ من واضب بفرضه مع قنوت
وياقشر حظ اللي حياته ضياعي
الأولي أعذب شرابه من التوت
في جنة الفردوس وأمره مطاعي
والثاني الله يكفي الشر مشيوت
فالنار يطرح بين مغمى وواعي
سمي بهالدنيا بداشر وسربوت
ولاهو موفق فالبقا والوداعي
ويالله ياقيوم ياسامع الصوت
يامدبر" هالخلق مرعي وراعي
ياغافر الزلات ياموزع القوت
ثبت قدمنا يوم حشر" جماعي
يوم" به العالم مشاعيث وسكوت
في موقف" كل الخلايق هلاعي
وختامها هذي قصيدة عن الموت
وياقشر حظ اللي حياته ضياعي

عادل بن ضيف الله الاسعدي