الشاعر يتقدم يالربع

سلام الله عليكم ياعتيبه ياهل الهقوات=سلام الشاعر اللي ماقصر عنكم بهقواته
انا ماانقص حقوق النشاما وارتكب غلطات=ولكن وجد حالي شاعر ٍ يثبت بوقفاته

هلا يامرحبا ترحيبتن تمشي على العادات = وانا رجلن على درب الوفا والطيب عاداته
كلامك يارفيع المنزله ينبي لحسن الذات = وكلن حسب منطوقه يبين للعرب ذاته

ياعلك للبقا واكشف لنا عن باقي الصفحات=ترى اللي في دروب الطيب ماتنمل صفحاته
سكون الريح من عقبه تجي للعاصفه هبات=تعين بالجهات وشوف ريحك وين هباته

انا رجال ماحب المجامل واكره الزلات = وبحر الشعر اخذت المعرفه في وسط غباته
جبال طويق ماتشكي سموم رياحها الصلفات = وكلن يرسم اهدافه على فهمه وقدراته

انا ماهفيت من حقك وراجع وافهم الغايات = اثر كل ٍ حسب قهمه تبين ويش غاياته
ياليتك تمشي بدربي وتترك عنّك اللفات = ترى نقد الرجل عند العرب باسباب لفاته