الله من هم حداني عن النوم=
= هم يهجر الفكرحزة مبيته
والصدر من كثر الهواجيس مزحوم=
= شيءتحداني وشيءحديته
تقول يسري بي مع الليل جاثوم=
= لا خيم الليل بظلامه سريته
والسر عن كل المخلايق مكتوم=
= إلاعلى الي يندهش لا نخيته
نقال كبر عند نقالة الزوم=
= وخفيف نفس لا نصيته وجيته
الظاهر إن الوصف واضح ومفهوم=
= مثعي لياضاقت عليك ونصيته
كانك من الدنيا محمل وهموم =
=عند ابن مثعي ما هجيته لقيته
شيخ يهوم المرجلة والعلا هوم =
= صمديعٍ تنصى الرياجيل بيته
يا حر يالي في العلا تكسر الحوم =
= طيبك على طيب ابو مثعي بنيته
عز الله ان شكله مع الناس معلوم=
= ليته وكيل بنوك الامول ليته