عـن علومنـا ياصاحبـي لاتناقشـنـا=خل علومنا في داخل الصدر مخشوشـه
مادمنا على ذالحال ياحـال مـن تشنـا=عراوي الضماير من سبايبك محشوشـه
سرينا ليالي الحب فـي تيـه واندشنـا=نحسب سكة العشاق بالـورد مفروشـه
وشربنا معا تالـي مدامـه غشايشنـا=سبـب عالـم ضبانهـا دوم محروشـه
من اسبابهم فسـدت علينـا معايشنـا=تبيع السلع في داخل السوق مغشوشـه
واليوم نتناوش حبـل الانقـاذ مانشنـا=و ضعنا على ماقالوا الناس في الطوشه
حاولنـا نعايـش وقتنـا ماتعايشـنـا=وذي والله البلشـه وذي والله الدوشـه
وباعطي الخبر غـازي لعلـه يناوشنـا=حيث(ن) بصمته في عالم الحب منقوشه
عسى راي غازي لاصدر منـه ينعشنـا=يحل القضيـه قبـل لاتكبـر الهوشـه

رد من الشاعر/ غازي بن عون

محمـد ذكرنـا يـوم همـاش همشنـا=وهيّا لاهل رومـا كراسيـه وعروشـه
قبس له سراج في الدجا نوره ادهشنـا=وتهاوى على نوره فراشـه وطفروشـه
لاجيناه با اسطـورات الابـداع طنشنـا=ويفرض علينا راعي القـرش بقروشـه
وانا واكثر اهل الشمغ والعقل ماابلشنـا=يكود الغريـب وبنطلونـه وطربوشـه
زمان عجز عن ردع بطشـه مباطشنـا=من مباطشه عزة هل البطش مبطوشـه
من الليـف لحفنـا وبالشـوك فرّشنـا=ونزّل غنم سلمـى بجنـات معروشـه
وبوم الخرايب منهم الخوف ماارعشنـا=بواليـن منفوخـه بواليـن مفشوشـه
وبعـد ماتياسرنـا شويـه ودردشـنـا=رجعنا لرايعة مـن العطـر مرشوشـه
قبـل لاتجينـا والمـقـدم مطفشـنـا=بخرايط شعير في الطواحين مجروشـه
وبعـد مـا تنشّينـا شذاهـا تنعوشنـا=شذاها ينوج بدهن عود(ن) وحبشوشـه
طيور الهوى دايم ورانـا لـو انحشنـا=ياكم من محب يمنـا طـرّش طروشـه
وحنـا منـه قـد استقلنـا وفنشـنـا=وتبنـا وودعنـا عميشـا وعمّـوشـه
وسمعنا صدى صوت السلولي وهشهشنا=بعد دنبشه خـدر السواهـي بدنبوشـه
هوى الغيد كلبش به مثل يـوم كلبشنـا=وطير الغرام بمهجتـه عمّـر عشوشـه
نخانا نخوت صوتهـا حـاش حايشنـا=بعد ماانهزم في الحرب وانهارت جيوشه
وحنـا ليااوحينـا لنـا نخـوة ششنـا=ورخص عندنا ماتملك النفس وتحوشـه
ولو انا معه لجيوش الافـزاع جيّشنـا=ووقفنا معه ضد الغضـى رادع نقوشـه
ليا هاشنا الجنس المترّف ولـو هشنـا=هزم جيشنا وجموعنا الدهـم برموشـه
فكان الجاه ينفع والبخاشيش بخششنـا=وابنـاه لـه ليـن يتجـود بعكروشـه
وكانك يابـن عبـاد تبغـي غشايشنـا=بعد صلّع مغطـى غرامـك ومفتوشـه
لاتخشى من اهل الحقد والمنطق الخشنا=عبـاد كرامتهـم وضيعـه ومخدوشـه

المشاركة الأصلية كتبت بواسطة فهـد الجـذع (المشاركة 391098) لاهنـت يا عبدالعزيز على القصايد وابداعك وصح لسان الشعار تقبل مروري أخوك فهد الجذع :)

الأخ / فهد الجذع

شرفتني بمرورك وتعليقك المتميز

والإبداع لا يكمن إلا بوجودك



لك أجمل تحيتي

المشاركة الأصلية كتبت بواسطة ابوبجاد الرويس (المشاركة 391431) لاهنت اخوي عبدالعزيز وصح لسان الشاعر // بن عباد وصح لسان الشاعر // ابن عون ولاهنت على النقل الرائع ,.,.,.,.,.,.,.,.,.,.,.,

لا هنت أخي ابو بجاد


على مرورك وتشريفك



لك تحيتي

المشاركة الأصلية كتبت بواسطة هلال الدوادمي (المشاركة 391663) لاهنت يالغالي ع القصايد الجزله من أهلها ....... الغنين عن التعريف لاهنت وصح لسان ابن عون//وابن عباد لاهنت يالغالي احترامي وتقديري...

ومن قال ما يهان

ولاهنت يا كحيلان على مرورك وتشريفك



لك تحيتي واحترامي