يامرحبا ياالشاعر الي تستمع بعض العلوم =وليا متى وانت العلوم العوج ما تصحالها
حنا هل الميقاف واهل العز ونسد اللزوم =ان كان تدري بالمواقيف وتعرف ارجالها

دام البقا بالشاعر اللي في مواجيبه يقوم=بعض الليال وبعضها في حالةٍ يرثالها
انا اعرف انك من رجالٍ في مواقفهم قروم=مار اللي التاليه عيّا يهلّ هلالها

بعض السوالف توجع الرجال وتزيد الهموم=والكلمه الي ماتنومس منهو الي قالها
ترا الليالي دايرة والناس معطى ومحروم=ياصاحبي بنت الكحيله جالها خيالها

ان كان و انّك يا عميلي لا تلام ولا تلوم=اشره عليّه فالعلوم دقاقها وجلالها
انته تحلّم في منامك لين غرتك الحلوم=بنت الكحيله من يدينا ما نفك حبالها