ازف التحيه صافيه للمناعير=عسا الله يوقيها صدوف الليالي
سمعنا عتيبه يشهرون المشاهير=وجينا نشوف الوضع شرق وشمالي

تحيتك مقبوله ومسيك بالخير = عتيبه رجال(ن) يكرمون الرجالي
ليا جات بالطوله وضرب البواتير = لنا المركز الاول على كل حالي

خوي السعد غنا ولافيه تقصير=ولاجابله علمن جديدن يقالي
عطيتك رساله واضحه بالتقارير=ولاكن أشوف الجو خاوي وخالي

وهاجوس اشوفه مايعرف المعايير = يجيب الغروبي يحسب انه زوالي
رسالتك يارجال تحت المناظير = ولكن حسّب للدروب الطوالي

خوي السعد قدمه دروب ومشاوير=أباه ايتعلم مير اظنه يلالي
ترى الدرب قدمك وعر وكله شناظير=الا كان شوقك يم درب المعالي