الليله الليله نرجعها على الطرق القديم =والله يبارك في هجوس ماتكب الوافيه
ياراعي العلطا حصل تال الزمن فالجو غيم =والا منول كل الاجواء يالسحاني صافيه

حنا حضرنا في طلبكم يازعيم ابن الزعيم=وانا احمد الله بالغناه ونحمده بالعافيه
ياصاحبي وش عكر الاجواء على الرجل الفهيم=لعل ماجتكم حرابه مثل حرب المافيه

مااجهلك ياراع المقام الزين والنهج القويم =لكن تال الوقت يالطيب تعد خلافيه
ياللي تحاول تفرق بريده عن حدود القصيم =مانخبر البردان فرط فالعباه الدافيه

مابه عباةٍ ياوسيع المعرفه خلك حليم = لاتشعل الفتنه وخل النار دايم طافيه
اخبر علومٍ هّجت العالم كما وصف الظليم = احْمد ولي العرش لبسك الهدوم الظافيه

قد قيل فالامثال مارد الكريم الا اللئيم =وانته معلم ماتعلم والاشاره كافيه
علم بدون اثبات خله وسط صدرك ياحكيم =انا معي مجهر يبين لي دفين القافيه