من روائع ابن فطيس المري
 

رائعة اخرى لأبن فطيس

--------------------------------------------------------------------------------

ما كني اعرفه ولا كني ابغيه

وانا عليه من امه احب واجرى

ياكثرها تسليمة يوم الاقيه

لي عين تكتب له وله عين تقرى

ولا حل طاريه تجاهلت طاريه

ماكني ادري عنه وانا به ادرى

احشم قريبه حشمة له واداريه

واخشا يجي في خاطره شي وادرى

بسكات يغليني وانا حيل مغليه

لا تيلفون ولا مواعيد غدرى

لا اسولف بحبه ولاني بكانيه

وغيري لونه يوالفه كان هذرى

لايحسبني يوم قفيت ناسيه

لعيونه اني ماتحاليت عذرى

ليت الزمن يرجع وانا اعلمه ليه

ولا الحظوظ من المقابيل تشرى

كل العذارى في الوفاء ماتساويه

كنه اليمين وباقي الغيد يسرى

قولوا له اني مارتضي بالبدل فيه

لا مال قارون(ن) ولاعرش كسرى

يرتاح ماغيره ملا عين هاويه

غلاه نهر النيل والقلب مجرى

واكبر دلليل اني الى غاب احاتيه

كم لليلة ماتت على كف مسرا

وان قالوا انه شرق وازريت لا اجيه

وجهت وجهي كل ما نمت حدرى





ولكم تحياتي

ابو عبدالله لاهنت يالغالي ولي اشرف اكون اول من رد على موضوعك وابن فطيس غني شهره وشعر وصح لسانه وبيض لله وجهك ... اخوك

تسلم يا فارس البادية
وانت يااخوي العضياني ,, وشكرا على الكلام الطيب