لاعدت ياعلم لفا يوم الإثنين=هيض علـــى قلــب العـــنا مــاض الأحـــزان
قالو توفى راعي الصدق والدين=راع الكرم والطيب في كل الازمـان
ناصر ولد فيحان طلق الحجاجين=يفرح ليا شاف المسير وضيفان
محبوب عند الناس الأقصى والادنين=له دايم في الطيب والعز مسكان
شيخ من أحفاد الشيوخ السلاطين=تاريخهم معروف في كل الأوطان
تشهد لهم بالفعل كل الميادين=مع سيرة الفرسان يذكر جعيلان
وعقب حرار للجزيلات ضارين=الطيــــب ورث وفـــعل ينظـــــر بالأعيــــــان
مرحوم ياشيخ بصف المصلين=قوي في الطاعات والعزم مالان
متواضع لله بفعل وبراهين=ولا ينقل النمـه مع فلان وفلان
ياكثر ما يدعون جمع المعزين=شهود في أرض الله على صدق الإيمان
يبكي على فقده رجال حشيمين=ويبكي مشب النار ودلال رسلان
وتبكي صيانا حط فيها البعارين=والعود الأزرق يوم عجج بدخان
وكل القبيلة عقب فقده محازين=وكل النشاما فاقدين كحيلان
يعطف على الأيتام غيث المساكين=ويسعى لدرب الخير في سر وإعلان
ماهو بحاجة مدح والناس دارين=لكنها تعبير من قلب ولسان
أرفع عزايه للربوع الكريمين=ولعيال ناصرجعلهم ذخر وأعوان
على دروب أجدادهم مستمرين=نعم التكاتف والتعاضد يا الإخوان
وختامها عداد من يسكن الصين=صلو على المختار من نسل عدنان