عقب استراحة مايقارب شهر واكثر من شهر = عقب السفر والصيف والزحمه وقص التذكره
مدري نسلم مدري نرحب عقب جانا وحضر= يامرحبا والمنتدى في غيبته مايعذره

عقب استراحة شهر واكثر ياطويلين العمر = جينا لكم والبعد عنكم صعب مانيب اقدره
كلك على بعضك مجمل وانت عنوان الفخر = وان كان في بالك كلام ٍ ماطلع لاتذخره

انته تقول البعد طاويني وكاويني الصبر = وعذرك هذا يمشي على هندي ياراع الدكتره
بحاسبك وانا حسيبك واقدر اعطيك الآمر = يوم انت ماعندك حسيب يحاسبك بالمسطره

تكرم عن الهندي ياراع الطيب ياراع الظفر = لكن بعض الهرج والله مايجيب لك ثمره
اركد ترى بعض التطشم فيه قاصمت الظهر =ياذا البعير اللي يميل الحمل من فوق ظهره

سلمت وانا ماقصد ازعّلك في علم وخبر = عتاب بين اخوً واخو .. عادي لو انه يزجره
الحق مايرضي ثنينه يابعيدين النظر = الحق لايزعلك ثم تصبح حياتك مصخره