الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   كل ماسقت النظر من فوق عالي$ (http://www.otaibah.net/m/showthread.php?t=43879)

ماله امان 02-Aug-2007 03:09 AM

كل ماسقت النظر من فوق عالي$
 
كل ماسقت النظر من فوق عالــي=هجرست لي الخفايا مع نظرهـا
شفتها تبرق وترعد فالشمالــــــي=جعل ربي مايبارك في مطرهــــا
والهقاوي باقي ٍ فيها توالــــــــــي=ساقها شيطان في يمة بشرهـــا
ساحب ٍ راس اللعينه فالظلالـــــي=يبغي الاسلام ياقع في خطر هــا
وان طلبنا الحق مايعطي مجالـــي=راح صوب الهايمه ياخذ اعبرها
شورها ماخوذ من مجلس اعفالي=لأ جلس له في قضيه مأعمرهـا
مجلس ٍ للشرك في ريع الخلالـــي=مدع ٍ بالعدل في وقت ٍ سمرهــــا
ومن عصور ٍ ماضيه حنأ نصالــي=أمة الاسلام بأمره وان ومرهــا
ناهضه بالدين تسعى في كمالـــــي=فطرة الاسلام دايم من أفطرهــا
وعزوتي فالدين ملبوس العدالــــي=نورها فالحق منورلي انورهـــا
وصقرنا صقر السعد عم وخوالـــي=ماتعلق فالهميه مع ظهرهـــــــا
ولأ جلس في مؤتمر فيه الهزالـــي=كم كبود ٍ عارمه قام وشطرهـــا
والسواعد في يمينه بالثقالــــــــــي=محزمه وسيوفهم تحمى سطرها
والجبال الشامخه هم الجبالــــــــي=عزوت العوجأ نمور ٍ من انمرهـا
وامنأ في كهفها عز الرجالـــــــــي=حافظتنا وحافظين إلها بحرهـــــــا
والله الرازق وخيره كل فالــــــــــي=يوم دار الشرك في كونه دمرهـــا
ورزقنا موجود من تحت الرمالــــي=حطه الله خزنة ٍ داخل كمرهـــــــا
مدلهم في قربته مثل الخيالـــــــــــي=مأ تغذاء فالجبل داخل حجرهـــــا
لأ صفأ باللون صافيه الزلالــــــــــي=صفوته للناس قالوا من ثمرهـــا
واذكروا ماقاله الله فالجمالـــــــــــي=الذهب باللون واغلاها حمرهـــا
واشربوا ماطاب من صفر الدلالـــي=لأ تجون بسوق منهو مع كفرهــا
ياعسى ماينقطع وصل الحبالـــــــــي=والكبود الضاميه تشرب نهرهـــا
وكان قامت تعتلي رؤس الخبالــــــي=الهنوف إلها الشرف تستر نحرها
[وسلامت الجميع]
م/العصيمي//$$$

ابوبجاد الرويس 02-Aug-2007 03:11 AM

اللـه اللــه

صح لسانكــ

قصيدة جزلـه من رجال جزل

ماله امان 03-Aug-2007 02:46 AM


الاخ ابو بجاد الرويس

صح الله ابدنك وسلم بنانك على المرور والتعليق القيم0تحياتي،،،،

مـجـول الـعـصـيـمـي 03-Aug-2007 07:23 AM

مشكور

وصح لسانك

ويعطيك العااافيه

فهـد الجـذع 03-Aug-2007 08:09 AM

صح لسانك ياماله امان


قصيده جزله وانت جزل


ننتظر جديدك


أخوك فهد الجذع

الذيبان 03-Aug-2007 01:28 PM

صح السانك والله لايحرمنه من جديدك

خالد المقاطي 03-Aug-2007 01:31 PM

(( اي والله كل ماسقت النظر فوق عالي ))



اخي العزيز / ماله امانه


ابداع لايوصف

ولايستغرب

من اهله

كتبت فأبدعت


اخوك /

ماله امان 03-Aug-2007 02:35 PM


الاخ مجول العصيمي


صح ابدنك وسلم بنانك على المرور والتعليق القيم0تحياتي،،،،

ماله امان 03-Aug-2007 02:36 PM

الاخ فهد الجذع


صح ابدنك وسلم بنانك على المرور والتعليق القيم0تحياتي،،،،

ماله امان 03-Aug-2007 02:37 PM


الاخ الذويبان


صح ابدنك وسلم بنانك على المرور والتعليق القيم0تحياتي،،،،


الساعة الآن »03:45 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd