الهيـــــــــــــلا *** منتدى قبيلة عتيبة - شعراء من قبيلة عتيبه ....(حاضرون) .. وشاعرنا :عبدالله المرشدي

الله الرحمن الرحيم ..

شعراء من عتيبه ... حاضرون ..

الحمد لله .. والصلاة والسلام على رسول الله ...ومن والاه ليوم الدين ..

أما بعد ..

يسعدني ويشرفني ومن عبر هذا المنبر الأدبي .. وفخراً في رموزنا القبيلة الأدبيه .. أن أتنا ول في كل طرح .. شاعرمن قبيلة عتيبه ..لألقي الضوء على جوانب عده في جياته .وشعره . وماوصل إليه ..
وإنه ولما يثلج الصدر إن نجد هناك أسماء شابه تنتمي لهذه القبيلة العريقه ... (قبيلة عتيبة) قد خطو نحو النجوميه .. بخطى واثقه ..حتى وصلو لمبتغاهم الأدبي حيث أجلسهم أبداعهم لصدر مجالس الأدب ...
ومختصراً في محاولة أخذ لب مانصبو إليه لنصل للفائده

///////////////////////////////////////////////////

///////////////////////////////////////////////////

شاعرنا في هذا العدد ....

الشاعر : عبدالله المرشدي ...

الملقب بجزل القصيد ...

الشاعر : عبدالله المرشدي العتيبي ... ( جزل القصيد )
يسكن بمدينة الرياض .. حيث مقر عمله ...

من فخذ المراشده الذين يقطنون بالغالب نجد ..
حيث يكف فخذ المراشده
أميرهم محمد أبوخشيم ... رئيس مركز كبشان ...
والمراشدة أحد الفخوذ العزيزه بين فخوذ الروقه من عتيبه .

شعره :

شاعر أخذ من مالقب به ( جزل القصيد)نصيب الأسد ... يحضرلاللحضور والتواجد بل ليقول نعم ..للشعر أناس تعلم ماذا تكتب ..وكيف تفتل المعنى ...

... صدر لشاعرنا المؤهبه

ديوان شعري صوتي على شكل إنشاد تحت مسمى

بعيد المطاريش .. المؤجد الآن بالأسواق

http://www.arb-up.com/get-7-2007-io7657ry.png

أبهر شاعرنا كل من عرفه عن قرب أوعن مصافحة مايكتبه ....

يتصف شعره بالجزاله .. والسلاسه ..

دخل شاعرنا الشبكة العنكبوتيه من أوسع أبوابها ..

كشاعر .. يثري الذائقه ..

ايضا قد أسندت له بالمنتديات ..عدت مهام إداريه

كمشرف .. مراقب .. إستشاره .. وذلك في الأقسام الأدبيه

كذلك يجيد شاعرنا فن لعب المحاورة بإتقان ,,,

///////////////////////////////////////////////////

///////////////////////////////////////////////////

إبدااااااااعات جزل القصيد ..

كان لشاعرنا الكم الغير قليل من الأبداعات في مجال الشعر .. تتسم بالإتزان المميز الجزل .. وللذكر لاللحصر .. يشرفنا إن نطرح شيء مما ذكرنا ..

///////////////////////////////////////////////////

///////////////////////////////////////////////////

][®][^][®][صد ياقلبي ..][®][^][®][

نص سبق طرحه .. أنتشاره عن طريق رسائل الجوالات ..

صد ياقلبي ترى خلك تغير=لاتحرى منه مردود الرساله
صد مع صده ترى منته صغير=مانت في حكمه ولا بصغر عياله
ادري انك عن غرامه ماتخير=ماتبي غيره ولا ترضى بداله
بس هو ماهو على كيفك مسير=عايشٍ مرتاح في نياه داله
ولعك ثم راح ماجالك مسير=وانت يالمسكين تطمع في وصاله
معك ياقلب العنى صرت اتحير=ماتطيع الشور ماتمشي عداله
من كثر ماشفت حالك ماتغير=كل زينٍ جاك يسحرك بدلاله
عمر وقت الحب ماطول قصير=وانت غادي مالقينا لك دلاله

///////////////////////////////////////////////////

///////////////////////////////////////////////////

][®][^][®][العذارى ...][®][^][®][

لاتحسبني يوم اقفي نسيتك=واللي خلقني ياهوا البال منساك
اقول ابسلى واثرني ماسليتك=احاول انسى واذكرك قبل لاسلاك
حبك بلاني واشهد اني بليتك=عسى الولي باللي بلا القلب يبلاك
في كل بيتٍ من قصيدي لقيتك=بعتاب والا وصف نادر حلاياك
بالحب والشعر المجزل جزيتك= دايم قصيدي باعذب القيل يجزاك
حتى القصايد تمتنع لاهجيتك=لاجيت اباسبك عصى القاف ثم جاك
امحي بيوتي بالجفا مامحيتك=واقرا التجافي من فعولك ولا محاك
قلبي وروحي والمشاعر عطيتك=احساس شاعر صدق حبك وهاواك
بعت العذارا كلهن واشتريتك= صارن جميع البيض فدوه لماطاك
ليتك تحس بحرقة الشوق ليتك=كان اكتويت بنار بعدك وفرقاك
ذقت الشقا والهم ساعة هويتك=ماكنت اعرف الحب والشوق لولاك
جننتي ياهوووه يكفي رجيتك=لاتحرق اللي باقيٍ من بقاياك
مافاد بك ودٍ قراحٍ سقيتك=ولا فاد بك صبرٍ تذله خطاياك
اعليت شانك بالهوى واعتليتك=ولاشفت منك الا خفايا نواياك
لوكان لاهل العشق حاكم شكيتك=واثبتّ فعلك في باصغر كواياك
لكن هذا شرع الهوى لو جفيتك=تزعل وتتغلي واجيك اطلب رضاك
لك حق بامر الحب ماقد عصيتك=لكن ترى ماني من اطرف رعاياك
ذليت نفسي لجل قربك وجيتك=وش تنتظر يافاتني جعلي فداك
اليوم من عقب المفارق نصيتك = عقب ان صوتك شدني يم ذكراك
ان كان تبغاني فنا اللي بغيتك=اللعب عندك والهدف وسط مرماك

///////////////////////////////////////////////////

///////////////////////////////////////////////////

][®][^][®][ روض المها ][®][^][®][

يامهات الروض عندي لك رساله=سجليها للزمن باقصـى الخفـوق
في نظام الحـب مافيـه استحالـه=دام فيه اثنين عاشـق ومعشـوق
تحت سقف الحب عاشو في ظلاله=في مشاعر بعض يرفون الفتـوق
لايغرك وجد شاعـر فـي مقالـه=واجد الشعار واغلبهـم سـروق
فيهم اللي يكتب الشعـر بجزالـه=وفيهم اللي يشتري نظم الطـروق
اصلا انتي حسنك الطاغي لحالـه=يستميل الوصف له من كل بـوق
اسالينـي كـان ودك بالاطـالـه=قولي اش معنى انا عندي فـروق
انتي اجمل من تغشانـي جمالـه=وانتي اجمل مارأت عين مخلـوق
ماحدٍ غيرك سلب عقلـي دلالـه=ولاحدٍ غيرك حوى من كـل ذوق
فيك معنى الزين كلـه والاصالـه=كل شـيٍ فيـك لعيونـي يـروق
وكان قلبك ذل قلبي فـي وصالـه=شلت حبك لو جرى وسط العروق
عقب ماكنتي غلاه اثمـن حلالـه=يمكن تكونيـن ذكـرى للحـروق
كنك انتي بس في غرب وشمالـه=كنك انتي في جنوبـه والشـروق
واجد الحلـوات ياشبـه الغزالـه=بس انا في وصلهن ماني شفـوق
اعرف دروب الشرف مابي جهاله=واعرف اشلون الوفا لاهل الحقوق
اعشق اهل الطيب راعين الشكاله=واحشم اللي في رضا ربه سبـوق
اطرب لشوف الجمال بكـل حالـه=واعشق القمراء وافز مع البروق
اكره دروب المعاصـي والظلالـه=واكره الكذاب والنـذل السـروق
هكـذا طبعـي ولاحـب النذالـه=النذالـه ماتجـي باحـدٍ صـدوق
اعبـد الله واحمـده رب الجلالـه=وان بغيت الصعب عندي مايعوق
واضح مبداي وانتي فيـك حالـه=ماتعرفين النجـاه مـن الغـروق
اسمعينـي كـان ودك بالجمالـه=مايصون الحب من ينوي يبـوق
من يعيب الناس مايرفـى خمالـه=كل واحد به عيوب وبـه طقـوق
تمـت اوسـف اذا فيهـا اطالـه=قلت يمكن لاقرت تهـدا وتـروق

///////////////////////////////////////////////////

///////////////////////////////////////////////////

شاعرنا للعدد القادم

شاعر يقف أمام أسمه القلم وقبله الفكر عاجز ٍ عن التعبير ومنقطع النظير ... لما لهذا العلم من هيبة أدبيه .. يراهن على أكتساحه للساحة الشعبيه فالقريب العاجل .. وهذا ممايسر كل من ينتمي لهذه القبيلة العريقه إن تجد من بين أفرادها نجم بهذه المكانه ويشاد به بهذه الروعه ..

شاعرنا القادم ... هو الشاعر :
سعد المسعودي

الملقب

بالحرالأشقر
..
فسوف نتطرق لحضوره الشاهق .. وماذا قالو عنه أقطبة الشعر .. وماذا قال هو في قصائده .. وماهي الألقاب الذي منحت له .. وكان كفؤاً لها ..

أنتظرونا ونحن على ثقة إنكم سوف تصفقون لشاعركم القادم ...

///////////////////////////////////////////////////

///////////////////////////////////////////////////

وحتى نلتقي بكم العدد القادم ومع الحرالأشقر .. نترككم على خير.
أخوكم : @ الراوي @