ياسلام الله سلام(ن) لكل الحاضرين=والرجال احضور والنار من شبابها
ياعسى ربي يعز الرجال الطيبين=والسنين ادور والنار من شبابها

مرحبا ترحيبةٍ مثل همال الغشين=من هجوس بحور والنار من شبابها
هات ما عندك وكل الجماعة شاهدين=كان لك منظور والنار من شبابها

ياسلام عليكم شدوا حيلكم متابعين

البقا ياللي ترحب عسى حظك يزين=في فرح وسرور والنار من شبابها
يالتحدي لاتحدى ترى جنبي متين=مانقول اقصور والنار من شبابها

انت ياشبل المحاني ترا مدري منين=والوطن مخبور والنار من شبابها
كم جنبٍ ندحمه تغدي ضلوعه طحين=يدك والمحذور والنار من شبابها

من شيوخ الروقه اللي على دنيا ودين=محكمين الشور والنار من شبابها
بارك الله فيك والضلع قاسي مايلين=والولد مغرور والنار من شبابها

والنعم ياتاج راسي وفخر المسلمين=فعلهم مشهور والنار من شبابها
بيننا كل السوالف على سمن وسمين=يافتى ماجور والنار من شبابها