يا مرحبا ترحيبت(ن) تسبق ذعاذيع الهبوب=بسم الرجال اللي تكمل للرجال حقوقها
يالفالح البراق يبرق فالشمال وفالجنوب=الله يبارك فالمزون اللي تلوح ابروقها

دام البقا ياللي تعرف الحق وتعرف الوجوب=عداد مجرى الشمس بين غروبها وشرقها
ياللي تقول انّ البروق اتلوح لك في كل صوب=قود السوالف قود يا رجال ولا سوقها

ترا الليال بغيبها والله علام الغيوب=ليت الظوامي تارد الجمّه تبل حلوقها
بعض العرب ماهوب يالفالح على العسر مغصوب=وان جاتله حلوه ومره ما يميز ذوقها

ترى الدليل فالمساري ما تضيق به الدروب=ان كان ما هو من ورى الهقوات ولا فوقها
العاقل اللي كل ما جات المهمّات محسوب=كل الامور اللي يميّزها يعرف فروقها

حنا ترانا مانبى نعطيك لين انك تتوب=تراك شاعر واعرف الشعار كيف طروقها
اظن بعض الناس ماله في سفينتنا ركوب=الله يعز الشجره اللي ماتموت عروقها

تراك عاري دوب حصّلت لك تال الوقت ثوب=كنت امتميزر بالعباه اللي وساع فتوقها
سفينتك غرقت وسايقها تحملّه ذنوب=ضربّها امواجٍ غزيره ما يعرف يسوقها

الدرب الابيض ما يكبه غير عميان القلوب=يلي تدور للعلوم الغاليه في سوقها
انشد وتلقى العلم ما بين القبايل والشعوب=الناس تعرف سابق العربان من مسبوقها

وحده بوحده والشراره خلّت النيره شبوب=ترى الجواهر من غلاها عندنا صندوقها
صحيح لكن غربت شمسك قبل وقت الغروب=نثرتها و ازريت تبدا من جديد تحوقها