ليه يالطايف يضيق الصدر لامنّي وصلتك?=باردٍ جوّك وقلبي تشتعل فيه الحراره!!
مااحتملت هموم قلبي والحقيقه ماحتملتك=كلّ ماسجّيت شنّت ضيقتي مليون غاره
يابيوت الشعر لولا ضيقتي ماكان شلتك=ويش اسوي دام قلبي تشتعل بالجوف ناره
ليه ياهمّي دخيلك دامني تهت وثملتك=ليــه ماترحــم جريحٍ ليلــه اعبر من نهاره?
مانويت انكر ليالي عشرتك يومن سألتك=وانت عندي ضيفٍ اقشر مارحل والدار داره
مير تكفـى رح تراني هذي الليله مللتك=يكفي الضيقه وجوّي مخترب واخلف مساره
آه يالطايف لو اني سالمٍ منك وجهلتك=كــان ماذقت الهمــوم ولا تجـرعت المــراره
ياقصيدي يوم غنيت المواجع وابتهلتك=مابغيت الاّ السعـه والكـون ياسـع لي مداره
هيه ياهمٍ سكن بين المحاني واشتملتك=صـرت انا وياك جـارٍ ماحفظ بالحق جـاره
هيه يالطايف يضيق الصدر لامنّي وصلتك=من قلعني عن جبالك ميل يبشر بالبشاره

المشاركة الأصلية كتبت بواسطة صنداح الزلامي (المشاركة 383670) مخلف الهقاوي صح لسانك وانا من اهل الطا ئف الله اعطاك هذا المرة ولاعاد تعودها ههههههه تراء محد درى شكرأ مخلف الهقاوي

المشاركة الأصلية كتبت بواسطة عبدالعزيز بن جودان (المشاركة 384015) مخلف الهقاوي صح لسانك قصيده جزله من شاعر جزل انا منول بروح للطايف وهاللحين هونت بروح لماليزيا هههههههههههه تحياتي لك