تزهى القوافي والمعاني بطرياه = وتعجز بيوت الشعر لو قلت تكفيه
في مدح اميرٍ ماخسر من تنصاه = وافي وكل الشعر ماظن يوفيه
زيزوم ماتقصر عن الجود يمناه = عون الرفيق ليا طلب شي يقضيه
شيخ المكارم والكرم سعد من جاه = يلقا المواجب حاظره حين يلفيه
إلك التحيه ياولد راعي الجاه = هذاك اخو نوره عسى العين ترجيه
يارمح عبدالله وسيفه وشلفاه = وقت المعارك تقتضي من يعاديه
لاصار كلٍ عنده الشور وابداه = رايك سديد ومعترف دون تمويه
هذي بيوتي من ضميري منقاه = ولا ماتليق بغير راعي مواجيه
ماهو بهرج منافقٍ زاد لغواه = يرجي وراكم لقمة العيش تهديه