يا سلام الله سلامٍ على افضل ما يكون=من سلوم اهل الوفا والرجال الوافيه
غن يا عبدالعزيز العتيبي باللحون=لين حتى يالعتيبي يشيب القافيه

مرحبابك عد مالاح براق المزون= غن يالفالح وخلك بدحل العافيه
كلكم فالمنتدى تكتبون وتلعبون=وان سالتك ماتجيب الاجابه شافيه

عيّنوك الربع فنان في قسم الفنون=ثم شفنا فيك يا بو سعود خلافيه
شوننا معروف وانت لك غير الناس شون=العلوم مصلّحه والاشاره كافيه

ماني بفنان انا وقفتي تشف الغبون=يوم غيري يدرق فالحضون الدافيه
شونكم لو قلت وشهو تراكم تزعلون=وانت شاعر مير نيتك ماهي صافيه

ماني مكذّب سموعي وشوفي بالعيون=انت عندك شمعة الصدق دايم طافيه
واجد اللي عند باب المحاكم يشهدون=باعوا الذمّه بالارباع والانصافيه