يا كعام المعادي ليا نادى المنادي= تقدم لاتوخر وجيب اللي تجيبه
ابا العب معك واشب ناري من زنادي= وكل(ن)من زمانه يبى ياخذ نصيبه

المشاركة الأصلية كتبت بواسطة نايف الروقي (المشاركة 382493) يا كعام المعادي ليا نادى المنادي= تقدم لاتوخر وجيب اللي تجيبه ابا العب معك واشب ناري من زنادي= وكل(ن)من زمانه يبى ياخذ نصيبه

ليا نادى المنادي وصلنا بالجيادي = تباها في سماحه تباها في شبيبه
تشب النار والا .. تخليها رمادي = عساها ماتعود لهلها في غليبه

ترانا روق قوم(ن) يضدون المعادي= مواقفنا صعيبه فالايام الصعيبه
ترا اللي ما يعرف السنع يقلون غادي=وبعضات السواليف ماترضي عتيبه

ترانا محزمك لاضرب طبل العنادي = نذكيلك من مطير والحربي كتيبه
لك الله في ذلولي .. ولا راح الشدادي = واشوفك تعطي الدرب الايسر في شعيبه

انا ما ذمكم فالصباح وفالهجادي=لنا تاريخ وانا مع العربان هيبه
انا اشوفك تخلط البياض مع السوادي= واظنك يالمقاطي تضوي لك مصيبه

انا معطيك علمي ولاجبت المرادي = ترانا مانبها على شك(ن) وريبه
ترى ماينفع الغاديه.. كثر الدوادي = انا ماراح لي مثل حبات الزبيبه