يا مرحبا ترحيبة التقدير في دار الكـــــــرام=من هاجسً لو ضاقت الدنيا باهلها ما يضيق
يا ربعنا العتبان دام الضـــرب فالميت حرام=ترفعواعن راعـــي القلبــات خوّان الصديق

دام البقى يا بواردي ليتك توفر بالكلام=من هاجسً بالمعرفه ما راج عن حيد الطريق
في ربعك العتبان قومً ما نبادلها احترام=نحرق بها لين العرب تعرف مواقيد الحريق

ياللي سلبت اسم البقيلي كيف اخذته يا غلام=وانته ليا هاجت بك امواج البحرتصبح غريق
حطّاب ليل ولا معك سيفً حديد ولا حزام=والسيل جاك يقلع الشيران من راس العقيق

ماني مثل غيري لبن عمه سريع الأنقسام=كلً تحاما وأفترقتوا كل قايد له فريق
العلم طيب وأفتهم للعلم يا راع الملام=نحسب حسابً للعقول الفاهمه يا من تويق

ما يعترض للقوم غير اللي يفكــــّـون الزحام=وانته تظن ان الذهب ينباع في ســوق الدقيق
انته على ربعك بنفسك معترف لي من شمام=وشهدت بان امطير سنجتهم يخونون الرفيق

التاجر أللي بايع السلعه على وقت الظلام=ما ضر به غش العرب لو قالوا العالم سريق
فالمحكمه ما يخلف القاضي كثير الأزدحام=حكم المزور ياخذه حتى ولو يشهق شهيق

تراك سجــلت اعترافك عند حامين الجهـــــام=وعرفت بان مطير مقصودي يابو دقنً حليق
لا ترمي البندق بدون عيار تفضحك الانــــام=واللي سواتك ينعذر يبا يقوم ولا يطيــــــــق