ياسلامي سلام(ن) مايدل الطريق=يضرب الناس عرض وطول ماهمته
وان لمحله من الشعار شاعر رقيق=نفركه مثل مايفرك خرز سبحته

لا هلا ومرحبا يا مناديً للحريق = والحريق ان ولع يانجم جيت تحته
منت لاقي رقيق ولنت لاقي صديق = انت صنفك ترى بلوه على اسرته

لا بقا من هجوس(ن)لك تشكل فريق=راس حربه مكانه وبالوسط حربته
يالجنيدي توقع وانتبه للفريق=الجنازه عطاني,,,ياولد رتبته

البحر لاتطبه ثم تصبح غريق= راس حربه يضده رمح في جبهته
البلا كان تبلع عقب كلمتك ريق = الخطر ميقنه في نفسك وتكبته

ياشهيق/وزفير/ويازفير/وشهيق=ان غرقنا عرفنا للنسم شمته
لوتليق السوالف قلتله ماتليق=مير لامن عرضلك ذيب شف جرته