| أبو زيد |
14-Jul-2007 02:40 PM |
المحبة في الله..وطلب العلم
حنا تخاوينا على العلم والنور = محبة(ن) في الله ماهي رخيصه
مثل الذهب عمله فريده لها دور = زينة وتنفع بالليالي العويصه
يوم إن كثير الناس خافيه مخبور = الله حسيب أهل القلوب النقيصه
أهل الشكك والريب نقازة السور = اللي تناظر بالعيون الغميصه
الشمري زد قالها بسالف عصور = مايستشك ياحسين كود الرهيصه
كلن يشوف بعين طبعه ومجبور = من باع بشته باع حتى قميصه
سلام نبع إسلام من قلب مسرور = العلم نور وينفعك لو بصيصه
|
