راكـب اللي كل مامني عطيتـه = قام يسبح مثل من في البحر عايم
وارد النيسان لامني نويتـــــــه = يـسـبق اللـي في علو الجو حايـم
مـجلسن تحت المكيف ما اهتنيته = ضـاريـن راسي على لفح السمايم
كـم غبشت وكم ليلن ســريتـه = عـن دورة الـمرجلـــــة ماني بنايم
يـوم ولد الـلاش دايـم حـدر بيته = مـجلسه معروف مع غبر اللثايــم
ميــر يا فيحـــان علم ان لقيتــه = والله اني ما ارتجي فزعـة هلايـم
والصلاة ختام والمصحف قريته = والـسـعـد قـدامنـا والحظ قايـــــم

كـان يا منصور ابوك الصبح هاوي = للـمراح ولا يردنه ظروفــــــه
قله اني مع صلاة الصبح نــــاوي = اعطي الفكسار لين اكتم بلوفه
وانا غدا للسير والمكره تعـــــاوي = ما على المشوار والطرقه حسوفه
ما نقيل غير في بيت الجـــــــلاوي = بيت عود مـــا تريح لين اشوفــه
شوف ابويه مايجيلي بالمنــــــاوي = شوف من يفرح لياكثـروا ضيوفه
ودي اســلم على الحر النـــــداوي = واتعــذر منــه واقبـــل كفــوفـــه
لي شـهر وانا على شـوفه شفاوي = بس وقتي ويش اسوي في صدوفه
كل ما ينحيبي الوقت الـنـــحــــاوي = اتحرى ساعتــن فيهـا نكوفــــــه
يم ابوي ويم مخلفة الهقــــــــــاوي = البكار اللي لهن نفسي شغوفه
ما حلى قدامهن جـــــــر الغناوي = لا اتزح برق الحيا والزم قدوفـــــه
ما قهرناها على الوادي السناوي = في اول الوسمي وفي مقدم صيوفه
الربيع ادنـــــى المرابيع الصداوي = والعقوم اللي على الحد معروفــه

هـيه يا نجل العيون اللي على طاريها = تستريح هجوس قلبي ويتريح بالي
هيه يا اللي ما اهتني وارتاح لين اطريها = هيه يا الي كثر ما احبه معذب حالي
لاتحسبني على حبك مسوين فيها = والله انك عندي اغلةى من جميع آمالي
انتي شمعة حبي اللي مستحيل اطفيها = كيف ابطفيها وانا محتاج لنور اقبالي
انتي عندي نور هالدنيـا وبعد ما فيها = والله لتبطي يا غالي وانت عندي غالي
صوتك ونظرات صوتك مسمعي يوحيها = ما تقول الا مكلمنــي على جوالـي
وان رقدت الليل جيت وجيتك نشريها = حتى لو هي حلم ابشريها وبرخص مالي
يعني افهم راح سلطان الجلاوي فيهــا = لكن ألحق قبل ارمي غترتي وعقالي
وقبل اقول السبة اللي لا صـدف طـاريها = تستريح هجوس قلبي ويتريح بالي

انا ما شريت الجيـــــب يابو فهد مجان = انا شريتيله كان تجهل سبايبها
ابي الصبح لا قالو على الحد يا فيحان = بـروق تـشادح في مقادم سحايبها
نـبـاري الـملحــا لامشــت تعبث الذرعان = وخطرن من الملزم تمزه جنايبها
شهاب الخدود اللي تطاولبها اللحيان = قصار الفقار اللي طوالن غواربها
شهـاف البكار اللي ليا طوّل الميدان = ليا طوّل الميدان والليل حاظبها
علي الحرام اني لطوعبها الفدقان = عشان غالي ينتبه من عواقبها
بعد ثالث الأعياد في راي ابو سلطان = نباها تحدر بعد كفت مزاهبها
وعقب عاشر الأعياد بسم الله الرحمن = تهارفو للصمان والصلب عاقبها
وجو ثلاث ايام وتعقــل الحيــــران = على الحد لابو ديرتن ما تليق ابها
وهذا هو بالي وشفي مع الجذعان = ولبو لحيتن ما تحتميها شواربها