سلام الله على اللي لاذكرته طار حلو النوم=ابو نجر النفاعي صاحبي واغليه واودّه
انا عندي له علوم(ن) تسره مار فيه علوم=توقف كل واحد من شراستها على حده

هلا يا مرحبا باللي علومه تونس المهموم = أبن عم وغلاته في ضميري جاء لها مدّه !!
تهرّج لا تفرّج وادرج ادلالك لامير القوم = ومن لد النظر في صاحبه يا نعنبوا جدّه

توكلنا على الله والسوالف بين ليل ويوم=تجيكم يارجال الطيب والمعروف والشدة
الا ياهل البجادة لازحفتوا من ورى ام الدوم=تبا تشبع غنمكم والذهيب ادع الله يرده

عسى ربي يبارك فيك يا شاعر ويا شغموم = ليا من الحرايب قنبعت تسري مع البدّه !!
الا يا سعود حنّا بخير وستر الله عساه يدوم = هذا رد النفاعي كان تبغى يا ولد ردّه

اقول الله يعدينا يابو نجر العتب واللوم=لاقام الشخص يفتن شخص ماهو حوله وقده
مع الاجواء يطير الحر والا الطير ابو زلقوم=ماعاش مع الحرار ولاش به قنّاص يهتده