سلام الله على اهل المنتدى واللي يزورونه=عدد ما لاح براق الخيال وحن رعاده
يقوله شاعرا يتعب على قافه ومضمونه=عتيبي والعتيبي ثابت(ن) فالقمة شداده

هلا يامرحبا ترحيبة الغالي على فنونــه=يقوم الشاعر الصاحي وخبل الناس فرقــاده
ترى ردف المطيه ياصاحبي فوقه أسعونه=على ماقيل سمحه تأخذ الميراد بالعـــــاده

يدوم الك البقاء والوقت فرقه لا تحسبونه=وانا ماجيت اصحي من هواه فراش ووساده
علامك ياجملنا خطوتك ماهيب موزونه=وهاذي من سواتك ياجمل ماهيب معتاده

المشاركة الأصلية كتبت بواسطة التحدي (المشاركة 373919) يدوم الك البقاء والوقت فرقه لا تحسبونه=وانا ماجيت اصحي من هواه فراش ووساده علامك ياجملنا خطوتك ماهيب موزونه=وهاذي من سواتك ياجمل ماهيب معتاده

انا اشوف التحدي مايعرف البيت وركونــه=تقول انه مقيد والشواهد فوقه اقــلاده
وانا دكتورها ياصاحبي والناس مضمونـــه=هزايمها على شفي وحنا قوم جــلاده

تشوفه ماتشوفه كل خلق الله يشوفونه=تفضل ياطويل العمر كانك صاحب قياده
وانا اقول النعم اللي سواتك يستحقونه=لكن الصيد ساري واصبعك ما حرك زناده

ليأ مني توليت القياده شيخ تلفونـــــه=طريق الرامي الشاطر عليكم زادة أبعــاده
وانا اقول الفلك داير عليكم لف بقرونـه=زنادي يحتميها والحرار الشقر في مهـــــــــاده

يحق الك الفخر لكن ويش اللي تسوونه=ترا بغداد تالي الوقت يهدم عزه اكراده
وانا اقول الفلك داير وحنا نعزف الحونه =وراع الصاع بالصاعين ياخذ فوقه زيادة

ألا يافكرتي كيف التحدي فتح اعيونــه=وحفار القبور يوسع الحفار فألحــاده
وانا امر الطريق الزين وانتم مأ تمرونــه=يجوز ان البقر يسرح ويضوي عند عبــاده

ولا ياليت عقلك يدرك المعنى ومكنونه=تهابد ماتعرف العلم مصداره وميراده
وروح مع بقرك اللي تقوله واشرب لبونه=ومن يرغب سواتك جعل ربي يبعد بلاده

انا ساس القبيله وانتم العالم بها تضــؤن=وبيت مسيلمه قالوا عليكم طاحت أعمـاده
علامك ياصحيبي هيلكم مخلوط بالتونـه=ومثلك مأ يقود الجيش ولابطال فالقــــــــــــاده