بشتي الاحزان والهوجاس ثوبي=من قديم الوقت وهي متخاويه
كيف نور الشمس يعلن عن غروبي=كيف دمعي وبسمتي متساويه
ان سهرت الليل تنهشني ذنوبي=واسمع اصوات الذياب العاويه
وان بدا لي صبح تبدي لي عيوبي=ونظرة العذّال نظره كاويه
من يجيني قلت وخّر عن دروبي=مالي ومال الهروج الخاويه
دوبي ادوّر نجاة الروح دوبي=من عنا وقتي وناري ضاويه
ياوجودي وجد رجّالٍ عزوبي=وكل عذرى عن طريقه غاويه
سامح الله ربعي اللي قد حكو بي=حكيهم مثل النجوم الهاويه
وسامح الله من رمى شلفاه صوبي=ونجتمع جمعة علي ومعاويه