يا الفالح اقرب ماتحت حمر اللحم غير العظام=مادري تبي تصبح وراء الهقوات والا دونها
قلي ياويش الفرق مابين الصقور اعن النعام=الكلمه اللي ماتغر الناس في مضمونها

انا ليا منّي وصلتك رحت من فعلي عدام=انته طعامٍ للذياب اللي تحدّ سنونها
ان كان ما تدري وتنشدني عليّه بالحرام= انك سوات اللي على بالي ولونك لونها

يامكثرين الهرج ماينفع ترى كثر الكلام=ام القرين اللي تدور للذكاه اقرونها
يالي تشيل البندقيه لا ذخيره لا حزام=الناس تسمع بالاذاني لو تغض اعيونها

تراك يالناسي تخاطب مع رفيعين المقام=وان كنت ناسي كلمة الآداب لاتنسونها
العلم جلاّي الجهل والنور جلاّي الظلام=ناسٍ تدوّر للحقايق معك ما يلقونها

المشاركة الأصلية كتبت بواسطة الــمــطــيــري (المشاركة 371992) الله الله اخوي الناسي والله مبدع واخوي الفالح أنت الابداع كلة . تقبل مروري :: الشعلاني

علم جنابك كان غاوي فالحلال وفالحرام=يا اهل الديون اللي مايمحاه الزمان اديونها
اجمال تبرك للحمل واجمال ماتلقى سنام=اعلوم لو تخفونها فالقلب ماتنسونها

اتلومني واللي سواتي فالمطيري ما يلام=دارت رحانا لين حبّتك استوى مطحونها
حنا اعتلينا في سنام المجد واخذنا الوسام=وصدورنا يا صاحبي ما بيّحت مكنونها

يقلون كثر الطق يالعتبان فكاك اللحام=انياقكم كم مرتن تؤخذ ولا تحمونها
وحنا اعتلينا فوقكم ياصاحبي خمسين عام=وقلوبكم من حر ماتونس تخيب اظنونها