يا مرحبا بمشرّفين الدار من عقب الغياب = اللي لهم وقفه وهيبه في ميادين الرمي!!
نبا نسولف يا عتيبه مع عزيزين الجناب = واطلق شنب لو يعترض لي ما تراخى محزمي !!

دام البقا يالطيبين اهل المكارم والحراب= وسيوفهم بفعولهم يوم الوغا تدما دمي !!
اهرج تكلم وطلع بعرفك على روس الهضاب=وانا على العدوان ساطي يالعتيبي ماأرحمي !!

نبا نحاسبكم حسابٍ عسْر يقفيه الحساب = اللي يجازيكم على حسب العمل يالآدمي !!
انتم خذيتوا بالمثل ( العقل مدلول الصواب ) = الناس تبني يا صحيبي وانت جايٍ تهدمي !!

يابونجر يابونجر فوق السماء تحت التراب=وش حاصللك من جهتنا يوم غيضك يرزمي !!
حنا خذينا قسمنا وبعيرنا شال الزهاب=وانته يسدك يالنفيعي صاحبي شبر لحمي !!

فزّاع يا فزّاع تبغى الصدق يا مال الذهاب = وش لون تنسى ما حصلّك فالنهار المعسمي !!
قسمك ترا عندي شطيرٍ واقفٍ ينصى الرقاب = ترا الحكومه في طريقك لا تحاسبهم عمي !!

الشر له بابين وألا الخير ماله غير باب=وانا الحمد الله رف فالعليا شعاري وعلمي !!
اقسومنا تشهد لها العربان ماهي بأكتتاب=بفعولنا رسخت ومن فكري ومن خط قلمي !!