انا غايب وجيت ولا لقيت الشعر والشعار=يا سلطان الجذع عيّنتهم يالصاحب الغالي
يا كثر الناس لكن المدوّر وافي الاشبار=مثل شرواك ياللي ما تخلط المر بالحالي

عن الغياب ياراع العلوم تسدك الحضار =ليا حضر الجذع يكفيك عن تسعين رجالي
بعضهم لو معه قرش ,,إيحسب نفسه من التجار =وانا من شئ اشوفه ,,لك الله ضايق بالي

ياسلطان احزم حزامك ترانا فاول المشوار=ليا حضر الجذع يقنع ليا جيناه طوّالي
هذولا من بعيد الدار ولا من قريب الدار=عسى يذهبهم الله لين ما يبقي لهم تالي

تراني مااتدرق مع هل الميقاف فالاعذار =احكم البيت ,,واعرف مظهري قدام مدخالي
لو الديره مخيفه ,,مالقيت ألهم بها ديٌار =لكن الحل وانا اخوك نركيهم ,,على الصالي

انا اعرف اليمين يمين واعرف اليسار يسار=واعرف اللي ليا شطّت ينحّرها الخلا الخالي
ابا اجمّع لي جنودٍ علاهم يطلقون النار=وهذا العلم يبغاله ثلاث ايام وليالي

ليا جات الفوراس يابن ثعلي داخل المضمار =اذا ماجيت الاول والله اني مااطلع التالي
والا يااذاعه الاخبار دايم نسمع الاخبار =ولامنها تحقق شئ ..واظن الصبر طالي